Agurrik gabeak omenaldia
Urriaren 24an
DURANGO 1936 KULTUR ELKARTEAK gorazarrea egingo die 1936ko estatu-kolpe
faxistari aurre eginez euren bizitza askatasunaren, justiziaren eta Euskal
Herriko nazio-eskubideen alde eman zuten durangarrei eta iurretarrei.
Errepublikarekin eta Euskadiko Gobernuarekin bat egin zutelako hil zituzten.
Ekitaldi hau fusilatuen, frentean hildakoen edo frentean jasotako zauriengatik
hil zirenen, kartzelan edo preso zeudela hil zirenen eta desagertu arazitakoen
omenaldia izango da.
Horretarako
ekitaldi xumea antolatuko da Landakoko Tximiniaren inguruan eta Plateruena kafe
antzokian, arratsaldeko 8etan hasita. Durangon euren omenez jendaurrean egingo
den lehen ekitaldia izango da, eta euren duintasuna, borrokaren balioa eta
kemena aldarrikatuko dira.
Ekitaldian parte
hartu dezazuen eskatzen dizuegu. Mezu hau zabaldu dezazuen ere eskatzen dizuegu,
baita DURANGO 1936 KULTUR ELKARTEARI lagundu diezaiozuen, gizarte
libreagoa eta justuagoa eraikitzen ahalegindu ziren durangarren eta iurretarren
identifikazioan. Mesedez, zerrenda honetan (www.durango1936.org)
norbait falta dela badakizu, edo dagoen norbaiten senitartekoak ezagutzen
badituzu, jarri zaitez harremanetan DURANGO 1936 KULTUR ELKARTEArekin:
durango1936@durango1936.org
